काठमाडौं। ओप्पोले नेपालमा आफ्नो नयाँ रेनो १६ सिरिजका स्मार्टफोनहरू औपचारिक रूपमा सार्वजनिक गरेको छ। कम्पनीले रेनो १६ र रेनो १६ एफ मोडलहरू एक विशेष फेसन शोमार्फत बजारमा ल्याएको हो।
सार्वजनिक कार्यक्रममा मिस नेपाल वर्ल्ड २०२२ प्रियंका रानी जोशी, ग्याजेटबाइट नेपालकी प्रमुख कार्यकारी अधिकृत प्रतिमा अधिकारी र महिला मोटो भ्लगर सुरक्षा केसीले फोनका विशेषता र प्रयोगका अनुभवबारे जानकारी दिएका थिए।
रेनो १६ सिरिजमा ओप्पोको थ्रीडी पप प्लानेट डिजाइन प्रयोग गरिएको छ। रेनो १६ मा ६.३२ इन्च र रेनो १६ एफमा ६.५७ इन्चको डिस्प्ले छ। फोटोग्राफीका लागि दुवै मोडलमा १०० डिग्री वाइड एंगलसहितको ५० मेगापिक्सेल अल्ट्रा वाइड सेल्फी क्यामेरा र अप्टिकल इमेज स्टेबलाइजेसन सुविधासहितको ट्रिपल रियर क्यामेरा सेटअप छ। कलरओएस १६ मा चल्ने यी फोनमा एआई स्न्याप की र एआई माइन्ड स्पेस जस्ता फिचर उपलब्ध छन्।
ब्याट्री क्षमताको कुरा गर्दा रेनो १६ मा ६ हजार ७ सय एमएएच र रेनो १६ एफमा ७ हजार एमएएच ब्याट्री छ, जसले ८० वाट फास्ट चार्जिङ सपोर्ट गर्छ।
नेपालमा रेनो १६ ५जीको मूल्य १ लाख ९ हजार ९ सय ९९ रुपैयाँ र रेनो १६ एफ ५जीको मूल्य ८९ हजार ९ सय ९९ रुपैयाँ तोकिएको छ। कम्पनीका अनुसार पहिलो ५ सय जना ग्राहकले फोन खरिदमा ओप्पो एयरबड्स ए३ प्रो निःशुल्क प्राप्त गर्नेछन्।
स्मार्टफोनसँगै ओप्पोले ‘ओप्पो बबल’ नामक चुम्बकीय सहायक उपकरण पनि सार्वजनिक गरेको छ। यसले क्यामेराको पूर्वावलोकन स्क्रिन र रिमोट शटरका रूपमा काम गर्ने कम्पनीले जनाएको छ। यसको खुद्रा मूल्य १५ हजार ९ सय ९९ रुपैयाँ भए पनि प्रवर्धन अवधिभर ९ हजार ९ सय ९९ रुपैयाँमा उपलब्ध हुनेछ।
