काठमाडाैं। व्यवसायी तथा शंकर ग्रुपका अध्यक्ष शंकरलाल अग्रवाललाई विशेष अदालतले सम्पत्ति शुद्धीकरण मुद्दामा थुनामा पठाउने आदेश दिएको छ।
मंगलबार अध्यक्ष वासुदेव आचार्य तथा सदस्यद्वय हेमन्त रावल र विदूर कोइरालाको इजलासले अग्रवाललाई थुनामा पठाउने आदेश दिएको हो।
यसअघि बैंकिङ कसूर मुद्दामा पुर्पक्षका लागि थुनामा रहेका अग्रवाललाई सर्वोच्च अदालतले १० लाख रुपैयाँ धरौटीमा रिहा गर्न आदेश दिएको थियो। सर्वोच्चले उच्च अदालत पाटनको थुनामा राख्ने आदेश बदर गर्दै धरौटीमा तारिखमा राखेर मुद्दाको पुर्पक्ष गर्न आदेश दिएको थियो।
