काठमाडौँ- प्रधानमन्त्री वालेन्द्र शाहसँग मङ्गलबार एसियाली विकास बैंक (एडीबी) का अध्यक्ष मासातो कान्डाले शिष्टाचार भेटवार्ता गर्नुभएको छ ।
प्रधानमन्त्री तथा मन्त्रिपरिषद्को कार्यालयमा आज भएको सो भेटवार्तामा नेपालमा सुशासन प्रवर्द्धन, आर्थिक सुधार र पूर्वाधार निर्माणका क्षेत्रमा कुराकानी केन्द्रित भएको प्रधानमन्त्री शाहका प्रेस तथा अनुसन्धान विज्ञ दीपा दाहालले जानकारी दिनुभयो ।
हाल नेपाल भ्रमणमा रहनुभएका कान्डाले सोमबारमात्र अर्थमन्त्री डा. स्वर्णिम वाग्लेसँग पनि भेटवार्ता गर्नुभएको थियो । सोमबार नै नेपाल सरकार र एडिबीबिच करिब २५ अर्ब अर्थात् १६ करोड ५० लाख रुपियाँ अमेरिकी डलर बराबरको सहुलियतपूर्ण ऋण सम्झौता भएको थियो ।
